DORREA gaztandegia

(Udabe)

Dorrea landan bizi nahi duten bi bikote gazteren ilusiotik jaio da.

Udabeko Dorrea baserria eta Etxalekuko txabola bat berreraiki ondoren, bikote biak Latxa ardi gazta egiteari ekin zioten, orduan ere Idiazabal DOP formalizatzen ari zelako, eta bertan parte hartu zuten hasieratik. Gazta honen ospearekin batera hazi ziren, pixkanaka eta lan asko oinarri hartuta.

Gaur egun gaztandegia herri bereko kanpoaldean dago, Aralar mendilerroaren magalean bertako harizti txiki baten ondoan. Euskal Herri osoko 150 artzainen esnea jasotzen du egunero eta gaztandegitik gertu ere badu bere Latxa ardi-haztegia.